നിങ്ങളുടെ വെളുവെളുത്ത പാട്ടുകള്‍

എനിക്കെന്‍റെ ബാല്യം
തിരികെ വേണ്ട
നിങ്ങള്‍ പാടുന്നപോലൊന്നുമല്ല
നിങ്ങളുടെ പാട്ടിലേതൊന്നുമില്ല

കുതികൊള്ളാന്‍ ചവിട്ടവേ
കുതറിമാറിയും
ഇളവേല്‍ക്കാനണയവേ
മുള്‍മുനയുയര്‍ത്തിയും
കഠിനകാലമേ
മുടിഞ്ഞ ബാല്യമേ
കരിന്തിരി തെളിച്ചനിന്‍
കരിഞ്ഞ കാഴ്ചകളെനിക്കിനി വേണ്ട
എനിക്കെന്‍റെ ബാല്യം
തിരികെ വേണ്ട
വെളുവെളുത്ത പാട്ടുകള്‍ പാടി
ബാല്യത്തിലേക്ക്
ഊഞ്ഞാലാടുക
നിങ്ങള്‍