അയോദ്ധ്യ -രണ്ടുകവിതകൾ (2005)
......................................................................
1
രാമന്‍
..................
മൈഥിലീപ്രണയ നഷ്ടത്തില്‍
ഏകനാ-
യിരുളിലാ-
യുള്ളുരുക്കിയ
കമനീയവിഗ്രഹന്‍
രാമന-
ല്ലിന്നു രാമന്‍

ചെറിയൊരുകൈത്തെറ്റിനാ-
ലുടഞ്ഞുചിതറുന്ന ,
കാലില്‍
തറഞ്ഞു കയറുന്ന ,
രാമനാ
ണിന്നു രാമന്‍

2
മോര്‍ച്ചറി
..........................
ഒരു തീപ്പൊരി മാത്രം
കാത്തു കിടപ്പൂ
നമ്മള്‍

തമ്മില്‍ വളര്‍ത്തിയ
സര്‍പ്പമൊരെണ്ണം
നീണ്ടു നിവര്‍ന്നു
നമുക്കിടയില്‍

ഒരു
തീക്കളി മാത്രം
ബാക്കി കിടപ്പൂ
മുന്നില്‍

തിരിവുകള്‍

മുറിവൊന്നു വരുമ്പോള്‍
മൂപ്പുള്ളോര്‍ ചൊല്ലും
മുതിരുമ്പോള്‍ പോകും കരയാതെ
മുതിരുമ്പോള്‍ പോകും കരയല്ലേ..

ചില മുറിവുകള്‍ പോയി,
ചിലതെങ്ങും പോയില്ല
ചിലതെങ്ങും പോവില്ല , പോവില്ല.

മുതിരുമ്പോള്‍ തെളിയോന്നു
നിനച്ച കാര്യങ്ങള്‍
ചിലതിന്നും ബാക്കി
ചിലതെന്നും ബാക്കി
ചിലതെങ്ങോ ബാക്കി

മുതിരുമ്പോള്‍ പോമെ-
ന്നുറച്ച ഭീതികള്‍
പലതിന്നും ബാക്കി
പലതെന്നും ബാക്കി


മുറിവുകളല്ല മുറിവുകളെന്നും
തിരിവുകളല്ല തിരിവുകളെന്നും
തിരിയുന്നേനെന്നും തിരിയുന്നേനെന്നും ....!

വഴിയോരക്കാഴ്ചകള്

‍

എന്തുമാത്രം മുഖങ്ങളാണ്....

ധ്യതി പിടിച്ചും

തള്ളി മാറ്റിയും

മുന്നോട്ടോടുന്നത്.

ചെറുപ്പമൊഴിഞ്ഞതോടെ

ചിരിക്കാന്‍ മറന്ന

ഭാരമേറിയ ചിലത് ....

കണ്‍തടങ്ങളില്‍

പൊയ്പ്പോയ പ്രൊമോഷന്റെ,

അനിഷ്ട ദാന്പത്യത്തിന്റെ,

തൊട്ടതെല്ലാം തോറ്റതിന്റെ

കറുപ്പടിഞ്ഞ,

ദയനീയമായ

ചിലത്......

കുനിഞ്ഞ്

കാല്നഖത്തില്‍

ലോകമൊതുക്കി

ചിലത്...

അന്യനെ നോക്കി

തന്നെ നോക്കിയും

തന്നെ നോക്കി

അന്യനെ നോക്കിയും

സ്വയം ഭോഗം തുടരുന്ന

ചിലത്.....

ഒത്താലൊത്തു

ഇന്നത്തെക്കേരളമെന്ന വിളികേട്ട്‌,
ആകാംക്ഷയോടെ തിരിഞ്ഞുനോക്കി.

നോക്കി നടക്കുകയായിരുന്നു ഞാനും,
ഒരു പിടിയും കിട്ടാതെ,
കുറച്ചു ദിവസമായി,
ഒന്നു ഡെഫനിഷപ്പെടുത്താന്‍

ഇന്നത്തെക്കേരളം
ഇന്നത്തെക്കേരളം
വീണ്ടും ആര്‍ത്തു വിളിക്കുന്നു,
ഭാഗ്യക്കുറിക്കച്ചവടക്കാരന്‍

ഇന്നത്തെ കേരളം തന്നെ....

ഹലോ..
ഹലോ..ആരാ..?
സഖാവെ ഇതു ഞാനാ..
ഓ..എന്താ സഖാവെ...?
പുതിയൊരു പുസ്തകമിറങ്ങിയിട്ടുണ്ട്
"പൊണ്ണത്തടി എങ്ങനെ കുറയ്ക്കാം"-വാങ്ങി വായിക്കണേ..
ഞാനിന്നലെ വാങ്ങി,വെരി യൂസ്‌ഫു‍ള്‍
പുസ്തകമോ...........ഓ..പുസ്തകം
വാങ്ങി വായിക്കാം കേട്ടോ
ശെരിയെന്നാ....
ശെരി..ഓകെ

ഒബാ/സാമ

എടിയേയ്......
ലാദനെ ഒബാമ കൊന്നു.....
ചാരുകസാരയില്‍ ,
ഒരു കയ്യില്‍ ബീഡിയും
മറുകയ്യില്‍ കട്ടന്‍ ചായയുമായിരുന്നു
ടി വി കണ്ടുകൊണ്ടിരുന്ന
അച്ഛന്‍ വിളിച്ചു പറഞ്ഞു.

അതാരാ ഈ ലാടന്‍.....?
പുകയൂതി നിവര്‍ന്ന അമ്മ ചോദിച്ചു.

അണ്ണാ ഹസാരേ

അച്ഛാ......അച്ഛാ....ഈ ഗാന്ധിജി എവിടെയാ താമസിക്കുന്നത്.....?

അദ്ദേഹം നമ്മളെപ്പോലെ
ഒരിടത്തുമാത്രം താമസിക്കാന്‍ കഴിയുന്ന ആളല്ല മോളേ....!

അച്ഛാ......അച്ഛാ....നമ്മുടെ അപ്പുപ്പന്‍ കഴിഞ്ഞ വര്ഷം മരിച്ചുപോയില്ലേ,
അതുപോലെ ഈ ഈ ഗാന്ധിജിയപ്പുപ്പന്‍ മരിച്ചുപോകില്ലേ....?

ഗാന്ധിജിയപ്പുപ്പനു എളുപ്പമങ്ങനെ മരിച്ചുപോകാന്‍ ആവില്ല മോളേ....!