ഹാര്‍ഡ് വെയര്‍

എന്താ

എന്‍റെ ലുക്കിനെന്തെങ്കിലും കുഴപ്പമുണ്ടോ ?

നഷ്ടങ്ങള്‍ മാത്രം കണ്ടു കണ്ടു

വെളിച്ചം വറ്റിപ്പോയതുപോലുള്ള

കണ്ണുകളാണോ എന്‍റേത്.....?

അല്ലെങ്കിലെന്തിനു

ഭാഗ്യക്കുറിക്കാര്‍

എന്നെക്കാണുമ്പോള്‍ മാത്രമിങ്ങനെ

ആര്‍ത്തിരമ്പി വരുന്നത്...

കാമം വരണ്ട

മുഖമാണോ എന്‍റേത്...?

അല്ലെങ്കിലെന്തിനു-

സാഹിത്യ കൌതുകത്തോടെ

പുസ്തകക്കടയില്‍ തിരയുമ്പോള്‍

"മറ്റേ പുസ്തകം" വേണോയെന്നു

പുസ്ത്കക്കടക്കാരന്‍

എന്‍റെ ചെവിയില്‍ മാത്രം

പരു പരുക്കുന്നതു....?

ഈശ്വരാ...

അഹങ്കാരം ​ നിറഞ്ഞു തുളുമ്പുന്നൊരു

മുഖം പൊലെയാണോ എന്‍റേതും ...?

അല്ലെങ്കിലെന്തിനു-

എന്നും

എല്ലാരുമുണ്ടെങ്കിലും

ആരുമില്ലാതെ

ഒറ്റക്കെന്നു,

എരിയാന്‍

വിടുന്നതെന്നെ...?

പുതിയൊരിനം ചിരി.

പുതിയൊരിനം ചിരി
----------------------------------------
            1
ആ രാത്‌രി വരെ
അവന്‍ വെറുമൊരു
അവന്‍ മാത്‌രമായിരുന്നു

നഗരത്തിലന്നരങ്ങേറിയ
ആഘോഷങ്ങളുടെ
ആര്‍ത്തിരമ്പുന്ന ആഹ്ളാദത്തിനു നടുവിലായിരുന്നു 
അവനപ്പോള്‍

കാരണമൊന്നും പറയാനില്ലാതെ
അവനപ്പോള്‍ ബോധോദയമുണ്ടായി
അതെ ....ബോധോദയമുണ്ടായി

ഉടനടി
പാതയോരത്തെ വന്‍മാളിക മുകളില്‍ കയറി ഇരുളിനു കൂട്ടുനിന്ന്
ഘോഷയാത്‌ര കണ്ടപ്പോള്‍
അവനു പുതിയൊരു ചിരി തോന്നി

                       2
വര്‍ഗീയ ലഹളക്കിടെ
ശത്‌രുഭാരൃയുടെ നിറവയറിലെ
വിത്തിനെ ത്‌രിശൂലത്തില്‍ കോര്‍ത്ത വീരനായകന്
അഭിമാനത്തിെന്‍റ വടിവാള്‍ ചുഴറ്റി
പടനയിച്ചു പോകവെ

കാരണമേതുമില്ലാതെ
ബോധോദയമുണ്ടായി

പാതയോരത്തെ അരയാല്‍ക്കൊമ്പിലിരുന്ന്
ലഹള കണ്ടപ്പോള്‍,
സ്വയമറുത്ത് ത്‌രിശൂലത്തില്‍ കോര്‍ത്ത
വൃഷ്ണങ്ങള്‍ കണ്ടപ്പോള്‍,

അവനു പുതിയൊരു ചിരി തോന്നി....!

ഞാനുംഞാനും

പുതുതല്ലെന്നാലും
പറയാതെ വയ്യ.
കണ്ടുപിടിത്തമേയല്ല.
പല ദിക്കിലും കേട്ടിട്ടുമുണ്ട് .


ഞാനെന്ന ഞാനും
ഞാനെന്ന നീയും
കണ്ടറിഞ്ഞ നാള്‍മുതല്‍

ജ്ഞാനവുമജ്ഞാനവും
കൊതിയും വിരക്തിയും
വെളിവും പിന്നിരുളും


പൂവുംമണവും പോലെ

രണ്ടാണ്, രണ്ടല്ല.
ഒന്നാണ്, ഒന്നല്ല.

ശാന്തിമാര്‍ഗം

പോത്തെന്നൊരു മ്യഗമുണ്ട്
തികച്ചും ശാന്തന്‍
അതിശയിപ്പിക്കും ശാന്തന്‍
വലുതെങ്കിലുമാ വയറൊന്നു നിറഞ്ഞാല്‍
വല്ലപ്പോഴുമൊരിണയൊത്തു കിട്ടിയാല്‍
പിന്നൊന്നുമില്ല, ഒന്നുമില്ല.
ചെളിവെള്ളത്തിലാറാടി,
അമ്യതെന്നപൊലതുതന്നെ മോന്തി
ആമോദത്താല്‍ തിമിര്‍ത്ത്
ഇടയ്കിടത്തേ പോത്തിന്‍റെ ചന്തിയില്‍
അരുമയിലൊന്നു കൊമ്പാലുന്തി
ആനന്ദത്താലാലസ്യത്താല്‍
അയഞ്ഞ്

പതിയെ,
പഴയ സ്വപ്നങ്ങളയവെട്ടി

അങ്ങനെയങ്ങനെ ശാന്തന്‍ ...

നാറ്റം

ഒരു നാറ്റം വരുന്നു ......

ഇടതുവശത്തെ ജനലടച്ചു.

നാറ്റം വരുന്നു

വലതു വശത്തെ ജനലടച്ചു.

നാറ്റം വരുന്നു

മുന്നിലും പിന്നിലും വലിച്ചടച്ചു.

നാറ്റം ...നാറ്റം ....നാറ്റം

2000

അവധി

ഞായറാഴ്ചയായിരുന്നു.

രാവിലെ മുതല്‍
കാറ്റും മഴയുമായിരുന്നു

ഉച്ചയെങ്കിലും
ഇരുട്ടായിരുന്നു.

മിന്നലും കാററും
ഉണ്ടായിരുന്നു

കറണ്ടില്ലായിരുന്നു
മൊബൈലില്‍ ചാര്‍ജ്ജുമില്ലായിരുന്നൂ.

ഞാനങ്ങാത്മഹത്യ ചെയ്തു,
അത്ര തന്നെ .

പുരാവസ്തു

മുത്തശ്ശിയെന്നാലെന്താണച്ഛാ..?
കഥ പറയുന്നൊരു
സാധനമെന്നൊരു
കഥ വായിച്ചൂ ഞാന്‍

പച്ചക്കറിയും സോപ്പും വാങ്ങാന്‍
കടയില്‍ പോകുമ്പോള്‍

കഥ പറയുന്നാ വസ്തുവൊരെണ്ണം
വാങ്ങിപ്പോരില്ലേ അച്ഛാ.....