മരങ്ങളോടും കിളികളോടും
സം സാരിക്കുമായിരുന്നു-അപ്പുപ്പന്
കവിതക്കുവേണ്ടി മധുരം പുരട്ടിയ വാക്കുകളല്ലിത്
തേങ്ങയുടച്ചുണക്കാനിടുമ്പോള്
കാക്കകളേയും
ഒഴിക്കെണ്ണം കുറയുമ്പോള്
തെങ്ങുകളേയും
വഴക്കു പറയുന്നതു കേട്ടിട്ടുണ്ട്.
പശുവിനോടും പട്ടിയോടും
വയലിനോടും ചാഴിയോടും
കോഴിയോടും കോവലിനോടും
സംസാരിക്കുമായിരുന്നു.
അച്ഛനു പക്ഷേ പശുഭാഷ മാത്രമേ കിട്ടിയുള്ളൂ...
തിരിയുന്നില്ലെനിക്കെന്റെ
മകന്റെ ഭാഷയും
No comments:
Post a Comment